ନୂଆଦିଲ୍ଲୀରେ ଆୟୋଜିତ SEMICON India 2026 ରେ ଯୋଗଦେବା ପାଇଁ ମୁଖ୍ୟମନ୍ତ୍ରୀ ଗସ୍ତ କରିଛନ୍ତି

ନୂଆଦିଲ୍ଲୀରେ ଆୟୋଜିତ SEMICON India 2026 ରେ ଯୋଗଦେବା ପାଇଁ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଗସ୍ତ କରିଛନ୍ତି । ଏହା ବିଶ୍ୱର ପ୍ରମୁଖ ସେମିକଣ୍ଡକ୍ଟର ଶିଳ୍ପ ନେତୃତ୍ୱ, ନିବେଶକ ଏବଂ ପ୍ରଯୁକ୍ତି ସହଯୋଗୀମାନଙ୍କୁ ଏକତ୍ରିତ କରୁଥିବା ଏକ ପ୍ରମୁଖ ମଞ୍ଚ ।

ଶିଳ୍ପ ବିଶେଷଜ୍ଞ, ନିବେଶକ ଏବଂ ପ୍ରଯୁକ୍ତି ନେତୃତ୍ୱଙ୍କ ସହ ମୁଖ୍ୟମନ୍ତ୍ରୀ ଆଲୋଚନା କରିବେ। ଏହି ଅବସରରେ ସେମିକଣ୍ଡକ୍ଟର ଓ ଇଲେକ୍ଟ୍ରୋନିକ୍ସ କ୍ଷେତ୍ରରେ ଓଡ଼ିଶାର ସାମର୍ଥ୍ୟ, ନୀତିଗତ ସହାୟତା ଏବଂ ଉଦୀୟମାନ ସୁଯୋଗଗୁଡ଼ିକୁ ପ୍ରମୁଖତାର ସହ ଉପସ୍ଥାପନ କରାଯିବ ।

ସେମିକଣ୍ଡକ୍ଟର ଉତ୍ପାଦନ, ଆଡଭାନ୍ସଡ୍ ପ୍ୟାକେଜିଂ ଏବଂ ଉଦୀୟମାନ ପ୍ରଯୁକ୍ତି କ୍ଷେତ୍ରରେ ବିଭିନ୍ନ ପ୍ରକଳ୍ପ ସହ ଓଡ଼ିଶା ପରବର୍ତ୍ତୀ ପିଢ଼ିର ଇଲେକ୍ଟ୍ରୋନିକ୍ସ ଓ ସେମିକଣ୍ଡକ୍ଟର ଉତ୍ପାଦନ ପାଇଁ ଏକ ସୁଦୃଢ଼ ଭିତ୍ତିଭୂମି ଗଠନ ଦିଗରେ ନିରନ୍ତର ଅଗ୍ରସର ହେଉଛି ।