‘ନାରୀଶକ୍ତି ବନ୍ଦନ ଅଧିନିୟମ’ କେବଳ ଏକ ଆଇନ୍ ନୁହେଁ, ବରଂ କୋଟି କୋଟି ମହିଳାଙ୍କ ସ୍ବପ୍ନର ଉଡ଼ାଣ ବୋଲି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଭୁବନେଶ୍ବରରେ ଆୟୋଜିତ ନାରୀଶକ୍ତି ବନ୍ଦନ ଟାଉନ ହଲ୍ କାର୍ଯ୍ୟକ୍ରମ ଅବସରରେ କହିଛନ୍ତି।

ଆଜି ଭୁବନେଶ୍ୱରସ୍ଥିତ ରେଳ ଅଡିଟୋରିୟମଠାରେ ଆୟୋଜିତ ‘ନାରୀଶକ୍ତି ବନ୍ଦନ’ କାର୍ଯ୍ୟକ୍ରମରେ ଯୋଗଦେଇ ମୁଁ ଅତ୍ୟନ୍ତ ଆନନ୍ଦିତ। ମାତୃଶକ୍ତିର ସମ୍ମାନ ଓ ସଶକ୍ତିକରଣ ଆମ ସଂସ୍କୃତିର ମୂଳଦୁଆ। ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀଙ୍କ ଦୂରଦର୍ଶୀ ନେତୃତ୍ୱରେ ପ୍ରଣୀତ ଐତିହାସିକ  ‘ନାରୀ ଶକ୍ତି ବନ୍ଦନ ଅଧିନିୟମ’ ଆଗାମୀ ଦିନରେ ନୀତି ନିର୍ଦ୍ଧାରଣ କ୍ଷେତ୍ରରେ ମହିଳାମାନଙ୍କ ଭାଗୀଦାରିକୁ ଆହୁରି ସୁଦୃଢ଼ କରିବ।
ଓଡ଼ିଶାର ବିକାଶ ଯାତ୍ରାରେ ମା'ମାନଙ୍କ ଭୂମିକା ଅତୁଳନୀୟ। ନାରୀଶକ୍ତି ଆଜି କେବଳ ବିକାଶର ହିତାଧିକାରୀ ନୁହେଁ, ବରଂ ବିକାଶର ପ୍ରକୃତ ସାରଥି। ‘ମହିଳା କୈନ୍ଦ୍ରିକ ବିକାଶ’ (Women-led Development) ଆଜି ଆମ ସରକାରଙ୍କ ମୂଳମନ୍ତ୍ର। ‘ସୁଭଦ୍ରା ଯୋଜନା’ ଠାରୁ ଆରମ୍ଭ କରି ‘ଲକ୍ଷପତି ଦିଦି’ ପର୍ଯ୍ୟନ୍ତ ଆମର ପ୍ରତ୍ୟେକ ପ୍ରୟାସ ନାରୀଶକ୍ତିକୁ ସ୍ୱାବଲମ୍ବୀ କରିବା ପାଇଁ ଉଦ୍ଦିଷ୍ଟ। ଚଳିତ ବଜେଟରେ ମହିଳାମାନଙ୍କ କଲ୍ୟାଣ ପାଇଁ କରାଯାଇଥିବା ବ୍ୟାପକ ବ୍ୟୟବରାଦ ଆମ ସରକାରଙ୍କ ସଂକଳ୍ପକୁ ଦର୍ଶାଉଛି। ଆସନ୍ତୁ, ନାରୀଶକ୍ତିର ଅପାର ସାମର୍ଥ୍ୟକୁ ପାଥେୟ କରି ଆମେ ସମସ୍ତେ ମିଶି ଏକ ‘ସମୃଦ୍ଧ ଓଡ଼ିଶା’ ଓ ‘ବିକଶିତ ଭାରତ’ ଗଠନ ଦିଗରେ ଆଗେଇ ଚାଲିବା।