ଇଣ୍ଡିଆ କେମ୍ ୨୦୨୬ରେ ଗ୍ଲୋବାଲ୍ ସିଇଓ ଫୋରମ୍ରେ ସହ-ଅଧ୍ୟକ୍ଷତା କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
ଇଣ୍ଡିଆ କେମ୍ ୨୦୨୬ ଅବସରରେ ମୁମ୍ବାଇଠାରେ ଆୟୋଜିତ ଗ୍ଲୋବାଲ୍ ସିଇଓ ଫୋରମ୍ରେ ଓଡ଼ିଶାର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ସହ-ଅଧ୍ୟକ୍ଷତା କରିଥିଲେ । ଏହି ଫୋରମ୍ରେ କେନ୍ଦ୍ରମନ୍ତ୍ରୀ ଶ୍ରୀ ଜଗତ ପ୍ରକାଶ ନଡ୍ଡା, କେନ୍ଦ୍ର ରାଷ୍ଟ୍ରମନ୍ତ୍ରୀ ଶ୍ରୀମତୀ ଅନୁପ୍ରିୟା ପଟେଲ ଏବଂ ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଡ. ମୋହନ ଯାଦବ ମଧ୍ୟ ଉପସ୍ଥିତ ଥିଲେ ।
ଏହି ଫୋରମ୍ରେ ରାସାୟନିକ ଓ ପେଟ୍ରୋକେମିକାଲ୍ସ କ୍ଷେତ୍ରର ପ୍ରମୁଖ ଶିଳ୍ପପତି ଏବଂ ନୀତି ନିର୍ଦ୍ଧାରକମାନେ ଯୋଗଦେଇ ନିବେଶ, ନବସୃଜନ, ଯୋଗାଣ ଶୃଙ୍ଖଳର ସ୍ଥିରତା ଏବଂ ସ୍ଥାୟୀ ଅଭିବୃଦ୍ଧି ଭଳି ଗୁରୁତ୍ୱପୂର୍ଣ୍ଣ ବିଷୟ ଉପରେ ଆଲୋଚନା କରିଥିଲେ ।
ଏହି ଆଲୋଚନାରେ ଶିଳ୍ପ କ୍ଷେତ୍ରରେ ଅଧିକ ସହଭାଗିତା, ଏକ ସୁଦୃଢ଼ ଉତ୍ପାଦନ ବ୍ୟବସ୍ଥା ଗଠନ ଏବଂ ନୂତନ ନିବେଶର ସୁଯୋଗ ସୃଷ୍ଟି ଉପରେ ଗୁରୁତ୍ୱ ଦିଆଯାଇଥିଲା । ଏହାଦ୍ୱାରା ଅନ୍ତର୍ଜାତୀୟ ସ୍ତରରେ ଭାରତର ପ୍ରତିଯୋଗିତାମୂଳକ କ୍ଷମତା ବୃଦ୍ଧି ସହ ରାସାୟନିକ ଓ ପେଟ୍ରୋକେମିକାଲ୍ସ ଶିଳ୍ପର ଦୀର୍ଘମିଆଦୀ ବିକାଶକୁ ନୂତନ ଦିଗ ମିଳିବ ବୋଲି ଆଲୋଚନାରେ ଗୁରୁତ୍ୱ ପ୍ରକାଶ ପାଇଥିଲା ।
