‘କଳିଙ୍ଗ ଷ୍ଟୁଡିଓ’ର ଶୁଭ ଲୋକାର୍ପଣ, ଆନ୍ତର୍ଜାତୀୟ ମାନର ଚଳଚ୍ଚିତ୍ର ପାଇଁ ଯୁବପ୍ରତିଭାଙ୍କୁ ମୁଖ୍ୟମନ୍ତ୍ରୀଙ୍କ ଆହ୍ୱାନ

ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଭୁବନେଶ୍ୱରଠାରେ ପୁନର୍ବିକଶିତ ଅତ୍ୟାଧୁନିକ ‘କଳିଙ୍ଗ ଷ୍ଟୁଡ଼ିଓ’ ଏବଂ ସିନେମା ଐତିହ୍ୟ ସୁରକ୍ଷା ନିମନ୍ତେ ସ୍ୱତନ୍ତ୍ର ଆର୍କାଇଭ୍ ଓ ମ୍ୟୁଜିୟମର ଶୁଭ ଲୋକାର୍ପଣ କରିବା ସଙ୍ଗେ ସଙ୍ଗେ ଓଡ଼ିଶା ଚଳଚ୍ଚିତ୍ର ଉନ୍ନୟନ ନିଗମର ନୂତନ ଅଫିସିଆଲ୍ ପୋର୍ଟାଲକୁ ଉନ୍ମୋଚନ କରିଛନ୍ତି ।  ଷ୍ଟୁଡିଓ ପରିସରରେ ବିଶ୍ୱସ୍ତରୀୟ ଇନଡୋର ଶୁଟିଂ, ଟେକ୍-ଜୋନ୍ ଏବଂ ପୋଷ୍ଟ-ପ୍ରଡକ୍ସନ୍ ଭିତ୍ତିଭୂମି ଉପଲବ୍ଧ କରାଯିବା ଦ୍ୱାରା ରାଜ୍ୟର ଚଳଚ୍ଚିତ୍ର ନିର୍ମାତାମାନେ ଆତ୍ମନିର୍ଭରଶୀଳ ହୋଇପାରିବେ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିବା ସହ ଓଡ଼ିଶାର ମୌଳିକ କଥାବସ୍ତୁ, ସମୃଦ୍ଧ ସଂସ୍କୃତି ଓ ଐତିହାସିକ ଗୌରବକୁ ନେଇ ଅନ୍ତର୍ଜାତୀୟ ମାନର ଚଳଚ୍ଚିତ୍ର ନିର୍ମାଣ ନିମନ୍ତେ ଯୁବପ୍ରତିଭାମାନଙ୍କୁ ଆହ୍ୱାନ ଜଣାଇଛନ୍ତି ।