• ୨୦୨୬-୨୭ ପାଇଁ ୨୪,୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ଉପସ୍ଥାପନ: ସମାବେଶୀ ବିକାଶ ଓ ଜନକଲ୍ୟାଣକୁ ଗୁରୁତ୍ୱ, ୭ଟି ନୂତନ ପଦକ୍ଷେପ ଘୋଷଣା
  • ୨୦୨୬-୨୭ ପାଇଁ ୨୪,୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ଉପସ୍ଥାପନ: ସମାବେଶୀ ବିକାଶ ଓ ଜନକଲ୍ୟାଣକୁ ଗୁରୁତ୍ୱ, ୭ଟି ନୂତନ ପଦକ୍ଷେପ ଘୋଷଣା
  • ୨୦୨୬-୨୭ ପାଇଁ ୨୪,୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ଉପସ୍ଥାପନ: ସମାବେଶୀ ବିକାଶ ଓ ଜନକଲ୍ୟାଣକୁ ଗୁରୁତ୍ୱ, ୭ଟି ନୂତନ ପଦକ୍ଷେପ ଘୋଷଣା
  • ୨୦୨୬-୨୭ ପାଇଁ ୨୪,୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ଉପସ୍ଥାପନ: ସମାବେଶୀ ବିକାଶ ଓ ଜନକଲ୍ୟାଣକୁ ଗୁରୁତ୍ୱ, ୭ଟି ନୂତନ ପଦକ୍ଷେପ ଘୋଷଣା
  • ୨୦୨୬-୨୭ ପାଇଁ ୨୪,୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ଉପସ୍ଥାପନ: ସମାବେଶୀ ବିକାଶ ଓ ଜନକଲ୍ୟାଣକୁ ଗୁରୁତ୍ୱ, ୭ଟି ନୂତନ ପଦକ୍ଷେପ ଘୋଷଣା
18 Nov, 2026

୨୦୨୬-୨୭ ପାଇଁ ୨୪,୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ଉପସ୍ଥାପନ: ସମାବେଶୀ ବିକାଶ ଓ ଜନକଲ୍ୟାଣକୁ ଗୁରୁତ୍ୱ, ୭ଟି ନୂତନ ପଦକ୍ଷେପ ଘୋଷଣା

ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଓଡ଼ିଶା ବିଧାନସଭାରେ ୨୦୨୬-୨୭ ଆର୍ଥିକ ବର୍ଷ ପାଇଁ ୨୪,୧୫୦ କୋଟି ଟଙ୍କାର ଅତିରିକ୍ତ ବଜେଟ୍ ଉପସ୍ଥାପନ କରିଛନ୍ତି । ଏହା ମାଧ୍ୟମରେ ରାଜ୍ୟ ସରକାର ସମାବେଶୀ ବିକାଶ, ସୁଶାସନ ଏବଂ ସମାଜର ସମସ୍ତ ବର୍ଗର ଲୋକଙ୍କ କଲ୍ୟାଣ ପ୍ରତି ନିଜର ପ୍ରତିବଦ୍ଧତାକୁ ପୁନର୍ବାର ଦୋହରାଇଛନ୍ତି ।

ଏହି ଅତିରିକ୍ତ ବଜେଟ୍‌ରେ କାର୍ଯ୍ୟକ୍ରମ ବ୍ୟୟ ବାବଦରେ ୧୭,୯୯୦ କୋଟି ଟଙ୍କା, ବିପର୍ଯ୍ୟୟ ମୁକାବିଲା ପାଇଁ ୫,୧୦୦ କୋଟି ଟଙ୍କା ଏବଂ ପ୍ରଶାସନିକ ବ୍ୟୟ ବାବଦରେ ୧,୦୬୦ କୋଟି ଟଙ୍କା ବ୍ୟବସ୍ଥା କରାଯାଇଛି । ଏହାଦ୍ୱାରା ଅତ୍ୟାବଶ୍ୟକ ଆବଶ୍ୟକତା ପୂରଣ ସହ ରାଜ୍ୟର ବିକାଶମୂଳକ ପ୍ରାଥମିକତାକୁ ଆଗେଇ ନେବା ଉପରେ ସରକାରଙ୍କ ଗୁରୁତ୍ୱ ପ୍ରତିଫଳିତ ହୋଇଛି ।

ଏହି ବଜେଟ୍‌ରେ ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା, ଜ୍ଞାନୋଦୟ – ଶିକ୍ଷାରୁ ସମୃଦ୍ଧି (କେଜିରୁ ପିଜି ପର୍ଯ୍ୟନ୍ତ ମାଗଣା ଶିକ୍ଷା), ଅର୍ବାନ୍ ଚ୍ୟାଲେଞ୍ଜ ଫଣ୍ଡ, ଜନସ୍ୱାସ୍ଥ୍ୟ ଭିତ୍ତିଭୂମି ପାଇଁ ରାଜ୍ୟକୁ ଆର୍ଥିକ ସହାୟତା, ବନ୍ଦ ପଡ଼ିଥିବା ସ୍ପିନିଂ ମିଲ୍‌ଗୁଡ଼ିକର ଦେୟ ପରିଶୋଧ ପାଇଁ ଏକକାଳୀନ ସମାଧାନ ଯୋଜନା, ଗଞ୍ଜାମରେ ଲୁଣ ଜମି ଅଧିଗ୍ରହଣ ଏବଂ ନୂତନ ରେଳପଥ ପାଇଁ ଜମି ଅଧିଗ୍ରହଣ ଭଳି ସାତଟି ନୂତନ ପଦକ୍ଷେପ ସାମିଲ କରାଯାଇଛି ।

ଏହି ନୂତନ ପଦକ୍ଷେପଗୁଡ଼ିକ ଖାଦ୍ୟ ସୁରକ୍ଷା ସୁଦୃଢ଼ କରିବା, ଶିକ୍ଷା ଓ ସ୍ୱାସ୍ଥ୍ୟସେବାର ସୁଯୋଗ ବ୍ୟାପକ କରିବା, ସହରାଞ୍ଚଳର ବିକାଶ ଓ ଶିଳ୍ପର ପୁନରୁଦ୍ଧାରକୁ ସହାୟତା କରିବା ସହ ଯୋଗାଯୋଗ ବ୍ୟବସ୍ଥାର ଉନ୍ନତି ଦିଗରେ ସରକାରଙ୍କ ଏକ ସୁଚିନ୍ତିତ ଆଭିମୁଖ୍ୟକୁ ପ୍ରତିଫଳିତ କରୁଛି । ସମାବେଶୀ ଓ ସ୍ଥାୟୀ ବିକାଶର ପଥରେ ଓଡ଼ିଶାକୁ ଆଗେଇ ନେବାରେ ଏହି ପଦକ୍ଷେପଗୁଡ଼ିକ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ।

ସଦ୍ୟ ସମାଚାର

ଅଧିକ...

ଯୋଗାଯୋଗ

ମୁଖ୍ୟମନ୍ତ୍ରୀଙ୍କ ଲୋକସମ୍ପର୍କ ଅଧିକାରୀ , ଲୋକସେବା ଭବନ, ସଚିବାଳୟ ମାର୍ଗ ,
ଭୁବନେଶ୍ୱର, ଓଡ଼ିଶା- ୭୫୧୦୦୧

ଅଭିଯୋଗ ପଞ୍ଜିକରଣ

ନାଗରିକଙ୍କ ଅଭିଯୋଗର ସମାଧାନ ଆମର ପ୍ରାଥମିକତା, ଆପଣ ନିଜ ସୁବିଧା ଅନୁସାରେ ଅଭିଯୋଗ ପଞ୍ଜୀକରଣ କରିପାରିବେ |